Energia Berriztagarrien Komunitateak sortzeko
bidelagun lanak egiten ditugu
Sektorean urteetan metatu dugun ezagutzatik abiatuta, Goiener bidelagun izango gara zure auzo, herri edo bizilagun-elkarteko kideen konfiantza- eta elkarrekintza-loturatik sortuko den energia komunitate berrian
Zer da Energia Berriztagarrien Komunitate (EBK) bat?
Komunitate batek osatzen duen entitate juridiko bat da eta bere helburu nagusia da
komunitatea berarentzako energia berriztagarrietan oinarritutako soluzioak sustatzea
Eta zertarako sortu EBK bat?
Energia-kontsumoa murrizteko eta, aldi berean, gure bizi-kalitatea hobetzeko.
Gure energia-faktura hobetzeko, kontzientziazio- eta eraginkortasun-neurriak hartuz, energia berriztagarriak erabiliz.
Energia-subiranotasuna bultzatzeko, erabakiak komunitatearen esku geratuz.
Tokiko ekonomia garatzeko eta zirkuitu ekonomikoa murrizteko, energiaren arloan erabiltzen ditugun baliabideak bertan gera daitezen.
Gizarte-kohesio handiagoa sustatzeko, guztion artean berdintasunez autogestionatuz.
Guztionak diren baliabideak erabiliz, egoera zaurgarrian dauden bizilagunak babesteko.
Zer behar duzu EBK bat sortzeko?
Talde sustatzailean parte hartu eta EBK bultzatuko duen pertsona talde bat, ahalik eta anitzena eta zuen herria edo pertsona taldea ordezkatuko duena. Taldearen tamainaren arabera, 7-30 pertsona.
Udalaren edo tokiko administrazioaren babesa ongi etorriko zaizue.
Prozesua martxan jartzeko juridiko-administratiboa, energia proiektuak eta komunikazio alorretan eskarmentua duten herritar ahaldunduz osatutako taldea.
Bertako energia baliabideak ezagutzea.
EBKen inguruan dituzun zalantzak argitzeko bisitatu gure FAQ, maiz egindako galderen atala.
Deskargatu gure gida
Elhuyarrekin elkarlanean prestatu dugun energia berriztagarrien komunitateak sortzeko bidelaguntzarako gida deskargatu ezazu azpiko datuak beteta.
Albisteak
Energías Renovables: Nolakoak izango dira heltzear dauden energia-komunitateak? [es]
Espainiako Gobernuak apirilean aurkeztu zuen energia-komunitateei buruzko errege-dekretuaren proiektua; itxura denez, trantsizio energetikoa iraultzera deitua. Askok, ordea, anbizio handiagoa eskatzen diote. Nola? Komunitate energetikoaren ekintza-eremua 40 kilometrora zabalduta. Edo energia-komunitate bati emanda banaketa-sare bat eskuratzeko, ezartzeko, errentan emateko edo autonomiaz kudeatzeko eskubidea. Nolakoak izango dira? Deskargatu PDFa. Jatorrizko artikulua: Energías renovables.
Abian dago Orduener, Urduña zein Arrastarian komunitate energetikoak sortzeko helburua duen egitasmoa.
Ekainean aurkeztu zuten jasangarritasuna sustatzeko Orduener elkartea. Urduñako Udalak bultzatu du proiektua, helburu nagusi batekin: Urduña zein Arrastarian komunitate energetikoak sortzea eta, modu horretan, herritarren bizi kalitatea hobetzea, egoera zaurgarrian daudenena batez ere. Jatorrizko artikulua: Aiaraldea
