Top
Energia komunitateak

Energia Berriztagarrien Komunitateak (EBK) sortzeko
eta garatzeko bidelagun lanak egiten ditugu

Sektorean urteetan metatu dugun ezagutzatik abiatuta, Goiener bidelagun izango gara zuen auzo, herri edo bizilagun-elkarteko kideen konfiantza- eta elkarrekintza-loturatik sortuko den energia komunitate berrian eta ondoren honen garapenean

Dagoeneko energia komunitate bat martxan baduzue,
Goienerren zuen komunitatea garatzeko zerbitzuak eskaini diezazkizuegu:

…baina, zer da Energia Berriztagarrien Komunitate (EBK) bat?

Komunitate batek osatzen duen entitate juridiko bat da eta bere helburu nagusia da
komunitatea berarentzako energia berriztagarrietan oinarritutako soluzioak sustatzea

Eta zertarako sortu EBK bat?

Energia-kontsumoa murrizteko eta, aldi berean, gure bizi-kalitatea hobetzeko.

Gure energia-faktura hobetzeko, kontzientziazio- eta eraginkortasun-neurriak hartuz, energia berriztagarriak erabiliz.

Energia-subiranotasuna bultzatzeko, erabakiak komunitatearen esku geratuz.

Tokiko ekonomia garatzeko eta zirkuitu ekonomikoa murrizteko, energiaren arloan erabiltzen ditugun baliabideak bertan gera daitezen.

Gizarte-kohesio handiagoa sustatzeko, guztion artean berdintasunez autogestionatuz.

Guztionak diren baliabideak erabiliz, egoera zaurgarrian dauden bizilagunak babesteko.

Zer behar duzue EBK bat sortzeko?

Talde sustatzailean parte hartu eta EBK bultzatuko duen pertsona talde bat, ahalik eta anitzena eta zuen herria edo pertsona taldea ordezkatuko duena. Taldearen tamainaren arabera, 7-30 pertsona.

Udalaren edo tokiko administrazioaren babesa ongi etorriko zaizue.

Prozesua martxan jartzeko juridiko-administratiboa, energia proiektuak eta komunikazio alorretan eskarmentua duten herritar ahaldunduz osatutako taldea.

Bertako energia baliabideak ezagutzea.

EBKen inguruan dituzun zalantzak argitzeko bisitatu gure FAQ, maiz egindako galderen atala.

Deskargatu gure gida

Elhuyarrekin elkarlanean prestatu dugun energia berriztagarrien komunitateak sortzeko bidelaguntzarako gida deskargatu nahi baduzu bete azpiko galdetegia. Aldiz, ondorengo esteka honetan, gidaren bertsio labur bat deskargatu dezakezu zuzenean.

    Idatz iezaguzue

    Energia komunitate bat martxan jartzeko erabakia hartua baduzue, jar zaitezte gurekin harremanetan komunitateak@goiener.com helbidera idatzita. Konta iezaguzue zuen kasua, ziur badugula laguntzeko moduren bat. Jarriko gara zuekin harremanetan.

    Albisteak

    Astigarragan energia komunitatea sortzeko prozesuari ekingo diote, Goienerren laguntzarekin

    Astigarragako Udalak (Gipuzkoa) urrats berri bat eman du trantsizio energetikoaren aldeko apustuan, eta tokiko komunitate energetiko bat sortzeko prozesuari ekin dio. Goiener kooperatibarekin lankidetzari eta herritarren inplikazio zuzenari esker osatu nahi du prozesu hori. Ekimen honek fakturak merkatzeko eta energia…

    Jarraitu irakurtzen… Astigarragan energia komunitatea sortzeko prozesuari ekingo diote, Goienerren laguntzarekin

    Albiste gehiago irakurri »

    Laguntzen ari garen komunitateak

    EBK eratze prozesuan EBK eratua

    Enherkom (Hernani) –
    Piztu (Zumaia) –
    Leitzeko EBK –
    Ekiherri (Errenteria) –
    Ixotzen (Elgeta) –
    Argiñola (Elorrio) –
    Berener (Bergara) –
    Argitturri (Oiartzun) –
    Ekimen (Uharte) –
    Ostots (Araitz) –
    Bixtubera (Bera) –
    Sortalde (Usurbil) –
    Leargi (Lea Ibarra) –
    Oreka (Otxandio) –
    Hitzar (Itsasondo) –
    Esnargi (Eskoriatza) –
    IKE (Igeldo) –
    Kunkana (Lezo) –
    Klik (Mutriku) –
    Oneko (Oñati) –
    UBEK (Uribe-Butroe)